ബൂന്തി ലഡു
ഹായ് ഇന്നല്പം മധുരം ആയാലോ? ഒരു ലഡു തന്നെ ഉണ്ടാക്കി നോക്കാം. കിടിലൻ ആയിരിക്കും അല്ലെ? എന്നാൽ മടിക്കേണ്ട ഇപ്പോൾ തന്നെ ഉണ്ടാക്കാം.
ബൂന്തി ലഡു ഉണ്ടാക്കാൻ ആവശ്യമായ സാധനങ്ങൾ:
- കടലപ്പൊടി - 1 കപ്പ്
- വെള്ളം - 1/2 കപ്പ് / ആവശ്യാനുസരണം
- ബേക്കിങ് സോഡ പൗഡർ - 1/2 ടീസ്പൂൺ
- ഫുഡ് കളർ, മഞ്ഞ - 1 നുള്ള് (ആവശ്യമുണ്ടേൽ മാത്രം)
- നെയ്യ് - 2 ടീസ്പൂൺ
- കിസ്മിസ് - 20 എണ്ണം
- ഏലക്കാ പൗഡർ - 1/2 ടീസ്പൂൺ
- ഗ്രാമ്പു - 5 എണ്ണം
- ഓയിൽ - വറുക്കാൻ ആവശ്യമായത്.
- 2 അരിപ്പ - (അതിൽ ഒന്ന് സാമാനൃം വലിയ തുളകൾ വേണം)
പഞ്ചസാര സിറപ്പിന്:
- പഞ്ചസാര - 1 കപ്പ്
- വെള്ളം - 1/2 കപ്പ് / ആവശ്യാനുസരണം
ബൂന്തി ലഡു ഉണ്ടാക്കാൻ പഠിക്കാം:
- ആദൃം ബൂന്തി ക്കുള്ള ബാറ്റർ ഉണ്ടാക്കാം.
- ഒരു പാത്രത്തിൽ കടലപ്പൊടി വെള്ളം ചേർത്ത് കട്ടയില്ലാതെ കലക്കിയെടുക്കുക
- കളറും ബേക്കിംഗ് സോഡയും ചേർക്കുക .
- ബാറ്റർ ദോശമാവിനെക്കാൾ അല്പം കട്ടിയി ൽ ആയിരിക്കണം
- ഒരു പരന്ന പാനിൽ ഓയിൽ ഒഴിച്ച് ചൂടായാൽ സാമാനൃം വലിയ തുളകൾ ഉള്ള അരിപ്പയിൽ ഓയിലിന് മുകളിൽ പിടിച്ച് അല്പം ഒഴിച്ച് നോക്കുക.
- ബൂന്തി ഗോള രൂപത്തിൽ അല്ലെങ്കിൽ ലൂസ് എന്നർത്ഥം. അതിൽ കുറച്ച് കടലപ്പൊടി ചേർത്ത് അഡ്ജസ്റ്റ് ചെയ്യാം.
- ഇനി തീ കുറച്ച് ഒരു വലിയ തവി ബാറ്റർ അരിപ്പയിൽ ഒഴിച്ച് പരത്തി വിതറുക.
- ബൂന്തി ഫ്രൈ ആയാൽ മറ്റെ അരിപ്പ കൊണ്ട് കോരുക.
- അങനെ മുഴുവൻ ബാറ്ററും വറുത്ത് കോരുക.
- ഓരോ ഒഴിക്കലിന് ശേഷവും അരിപ്പയിൽ ഹോൾസ് ക്ളീൻ ചെയ്ത് കൊടുക്കണം എന്നാലെ ബൂന്തി ശരിയാവൂ.
ഇനി പഞ്ചസാര സിറപ്പ് ഉണ്ടാക്കാം:
- പഞ്ചസാര വെള്ളവും ചേർത്ത് തിളപ്പിക്കുക.
- ഒരുനൂൽ പരുവം (കുറച്ച് എടുത്ത് തള്ള വിരലിനും ചൂണ്ട് വിരലിനും ഇടയിൽ പിടിച്ച് നോക്കിയാൽ നൂൽ പോലെ ആണെങ്കിൽ) ആയാൽ തീ ഓഫ് ചെയ്യാം.
- സാമാനൃം വലിയ ഒരു പാത്രത്തിൽ വറുത്ത് വെച്ച ബൂന്തി മാറ്റി പഞ്ചസാര സിറപ്പ് ഒഴിച്ച് നല്ല പോലെ മിക്സ് ചെയ്ത് കയിലിൻറെ പിൻഭാഗം കൊണ്ട് ചെറുതായി ഉടച്ച് കൊടുക്കുക.
- കൂട്ടത്തിൽ ഏലക്കാ പൗഡറും ഗ്രാമ്പുവും ചേർക്കാം.
- പാനിൽ നെയ്യ് ചേർത്ത് ചൂടായാൽ കിസ്മിസ് വറുത്ത് നെയ്യോടുകൂടി അതിലേക്ക് ചേർത്ത് മിക്സ് ചെയ്ത് ഉരുട്ടാൻ പറ്റുന്ന പരുവം ആയാൽ ഇഷ്ടമുള്ള വലുപ്പത്തിൽ ഉരുട്ടി എടുക്കുക.
