പ്രോൺ ബോൾസ്
മൽസ്യ വിഭവങ്ങളിൽ ഒഴിവാക്കാൻ ആക്കാതെ ആണ് ചെമ്മീൻ. ചെമ്മീൻ കൊണ്ട് ഒരു പാട് വിഭവങ്ങൾ ഉണ്ടാക്കാൻ കഴിയും. അതിലൊന്നാണ് പ്രോൺ ബോൾസ്. കിടിലൻ ടേസ്റ്റി ആയ ഈ പ്രോൺ ബോൾസ് തന്നെ ഇന്ന് നമുക്ക് ഉണ്ടാക്കാം.
പ്രോൺ ബോൾസ് ഉണ്ടാക്കാൻ ആവശ്യമായ സാധനങ്ങൾ
- ചെമ്മീൻ വൃത്തിയാക്കിയത് - 200 ഗ്രാം
- മുളകുപൊടി - രണ്ടു ചെറിയ സ്പൺ
- മഞ്ഞൾപ്പൊടി - ഒരു നുള്ള്
- ഇഞ്ചി-വെളുത്തുള്ളി ചതച്ചത് - ഒരു ചെറിയ സ്പൂൺ
- ഉപ്പ് - പാകത്തിന്
- എണ്ണ - നാലു വലിയ സ്പൂൺ
- സവാള പൊടിയായി അരിഞ്ഞത് - കാൽ കപ്പ്
- തേങ്ങ ചുരണ്ടിയത് - മൂന്നു വലിയ സ്പൺ
- മുളകുപൊടി - അര ചെറിയ സ്പൺ
- പെരുംജീരകം പൊടി - കാൽ ചെറിയ സ്പൂൺ
- ഉരുളക്കിഴങ്ങു പുഴുങ്ങിപ്പൊടിച്ചത് - ഒരു കപ്പ്
- റൊട്ടി പൊടിച്ചത് - രണ്ടു കപ്പ്
- ഉപ്പ്, കുരുമുളകുപൊടി - പാകത്തിന്
- മുട്ട - രണ്ട്
- റൊട്ടി പൊടിച്ചത് - ഒരു കപ്പ്
- എണ്ണ - വറുക്കാൻ ആവശ്യത്തിന്
പ്രോൺ ബോൾസ് പാകം ചെയ്യുന്ന വിധം
- ചെമ്മീനിൽ മുളകുപൊടി, മഞ്ഞൾപ്പൊടി, ഇഞ്ചി-വെളുത്തുള്ളി ചതച്ചത്, ഉപ്പ് - പാകത്തിന് ഇവ പുരട്ടുക. മൂന്നു വലിയ സ്പൂൺ എണ്ണ ചൂടാക്കി ചെമ്മീൻ വറുത്തെടുക്കണം. ഇതേ എണ്ണയിൽ തേങ്ങ ചേർത്തു നിറം മാറാതെ വറുക്കുക. വറുത്ത ചെമ്മീനും തേങ്ങയും മിക്സിയിലിട്ട് മെല്ലേ ചതച്ചെടുക്കുക.
- ബാക്കി എണ്ണ ചൂടാക്കി സവാള വഴറ്റിയ ശേഷം മുളകുപൊടി, പെരുംജീരകം പൊടി ഇവ ചേർത്തിളക്കുക. അതിലേക്കു ചെമ്മീൻ മിശ്രിതവും
- ആവശ്യമെങ്കിൽ ഉപ്പും ചേർത്തിളക്കി യോജിപ്പിച്ചു വാങ്ങുക. ഇതാണ് ഫില്ലിങ്.
- ഉരുളക്കിഴങ്ങു പുഴുങ്ങിപ്പൊടിച്ചത്, റൊട്ടി പൊടിച്ചത്, ഉപ്പ്, കുരുമുളകുപൊടി ഇവ യോജിപ്പിച്ചു വെള്ളം ചേർക്കാതെ കുഴച്ചെടുക്കണം.
- ഇതു ചെറിയ ഉരുളകളാക്കി കൈയിൽ വച്ചു പരത്തി നടുവിൽ ഫില്ലിങ് വച്ച് ഉരുട്ടി ബോൾസാക്കുക.
- ഓരോ ബോളുകളും മുട്ട അടിച്ചതിലും പിന്നീട് റൊട്ടിപ്പൊടിയിലും മുക്കി ചൂടായ എണ്ണയിലിട്ടു നിറത്തിൽ വറുത്തു കോരുക.
