തക്കാളിത്തോരൻ
തക്കാളി കൊണ്ട് നമ്മൾ പലതരം കറികൾ ഉണ്ടാക്കിയിട്ടുണ്ടാകും. എന്നാൽ തക്കാളിത്തോരൻ ഉണ്ടാക്കിയിട്ടുണ്ടോ? കിടിലൻ ടേസ്റ്റ് ആണ്. ഒരു വട്ടം ഉണ്ടാക്കി നോക്കൂ.
ആവശ്യമായ സാധനങ്ങൾ
- തക്കാളി - 250 ഗ്രാം
- പച്ചമുളക് - 5 എണ്ണം
- തേങ്ങ ചിരകിയത് - 1 മുറി
- കുരുമുളക്പൊടി - 1/2 ടീസ്പൂൺ
- സവോള - വലുത് 2 എണ്ണം
- ഇഞ്ചി - 1 കഷണം
- മഞ്ഞൾപൊടി, കടുക് - 1/2 ടീസ്പൂൺ വീതം
- എണ്ണ - ആവശ്യത്തിന്
- കറിവേപ്പില, ഉപ്പ് - ആവശ്യത്തിന്
ഇനി എങ്ങിനെയാണ് തക്കാളിത്തോരൻ ഉണ്ടാക്കുക എന്ന് നോക്കാം
- ചൂടാക്കിയ എണ്ണയിൽ കടുകും കറിവേപ്പിലയും സവോള, പച്ചമുളക്, ഇഞ്ചി ഇവ അരിഞ്ഞതും ചേർത്ത് വഴറ്റുക. പകുതി മൂപ്പാകുമ്പോൾ തക്കാളി ചേർത്ത് വഴറ്റുക. തക്കാളി വാടിത്തുടങ്ങുമ്പോൾ തേങ്ങ ചിരകിയത്, മഞ്ഞൾപ്പൊടി, കുരുമുളക് പൊടി ഇവ ചേർത്ത് യോജിപ്പിച്ച് വാങ്ങിവെയ്ക്കുക.
