നല്ല നാടൻ വടുകപ്പുളി നാരങ്ങാക്കറി ഉണ്ടാക്കി നോക്കാം
ആവശ്യമായ സാധനങ്ങൾ
- വടുകപ്പുളി - ഒന്ന്
- ഉപ്പ് - പാകത്തിന്
- മഞ്ഞൾപ്പൊടി - അര ചെറിയ സ്പൂൺ
- പച്ചമുളക് - നാല്, അരിഞ്ഞത്
- നല്ലെണ്ണ - 200 മില്ലി
- മുളക് പൊടി - 100 ഗ്രാം
- കറിവേപ്പില - 50 ഗ്രാം
- കായം പൊടി - അര ചെറിയ സ്പൂൺ
- ഉലുവാ പൊടി - ഒരു വലിയ സ്പൂൺ
ഇനി എങ്ങിനെയാണ് വടുകപ്പുളി നാരങ്ങാ കറി ഉണ്ടാക്കുക എന്ന് നോക്കാം
- വടുകപ്പുളി ചെറിയ കഷണങ്ങളാക്കി അരിഞ്ഞ് വെക്കുക
- ഇതിൽ ഉപ്പും മഞ്ഞൾപ്പൊടിയും പുരട്ടി നന്നായി യോജിപ്പിച്ച് വെയ്ക്കുക
- ചീനച്ചട്ടിയിൽ നല്ലെണ്ണ ചൂടാക്കി മുളക്പൊടി ചേർത്ത്, ഉടൻ തന്നെ നാരാങ്ങാ മിശ്രിതവും കറിവേപ്പിലയും ചേർത്തു നന്നായി യോജിപ്പിക്കുക
- ഇതിലേക്ക് കായം പൊടിയും ഉലുവാപൊടിയും ചേർത്തിളക്കി വാങ്ങി വെയ്ക്കുക
