Water | Health
വെറും വയറ്റിൽ വെള്ളം കുടിച്ചാൽ ഉള്ള ഗുണങ്ങൾ എന്തെല്ലാം ആണെന്ന് നമുക്ക് നോക്കാം .
നമ്മൾ രാവിലെ എഴുന്നേൽക്കുമ്പോൾ ചെയ്യുന്ന പ്രവർത്തികൾ ആ ദിവസം മുഴുവൻ ആരോഗ്യത്തോടെയും ഊർജ്ജത്തോടെയും നിലനിൽക്കാൻ നമ്മളെ സഹായിക്കും.
ആരോഗ്യകരമായ പോഷണം ലഭിക്കുന്നതിന് വേണ്ടി പ്രഭാതഭക്ഷണത്തിൽ എല്ലാ ദിവസവും വേറെ വേറെ ഓപ്ഷനുകളും പലരും സ്വീകരിക്കാറുണ്ട്.
പലരും രാവിലെ എഴുന്നേറ്റ ഉടൻ ചായയും കാപ്പിയും കുടിച്ചാണ് ദിവസം ആരംഭിക്കുന്നത്. ഈ ശീലം പലപ്പോഴും ആരോഗ്യത്തിന് അത്ര നല്ലതല്ല എന്ന് നമ്മൾ പലർക്കും അറിയുകയില്ല.
എന്നാൽ രാവിലെ വെറും വയറ്റിൽ വെള്ളം കുടിക്കുന്നത് ആരോഗ്യത്തോടെ ഇരിക്കാൻ ഏറെ സഹായിക്കാറുണ്ട്.
രാവിലെ വെറും വയറ്റിൽ വെള്ളം കുടിക്കുന്നത് പല തരത്തിലുള്ള ആരോഗ്യ ഗുണങ്ങളാണ് നൽകുന്നത്. അവ എന്തൊക്കെ ആണെന്ന് നമ്മുക്ക് നോക്കാം.
ഊർജ്ജം നൽകുന്നു
രാവിലെ വെറും വയറ്റിൽ വെള്ളം കുടിക്കുന്നത് ശരീരത്തിനും നമുക്ക് മൊത്തത്തിലും ഒരു ഊർജ്ജം നൽകാൻ ഏറെ സഹായിക്കും. ഇത് നമ്മളെ ദിവസം മുഴുവൻ ആക്റ്റീവായിരിക്കാൻ സഹായിക്കും. രാവിലെ എഴുന്നേൽക്കുമ്പോൾ തന്നെ ഒരു ഗ്ലാസ് വെള്ളം കുടിക്കാൻ ശ്രമിക്കുക. ഇത് കൂടുതൽ ശ്രദ്ധയോടെയും അതുപോലെ ആരോഗ്യത്തോടെയും ദിവസം മുഴുവൻ ഇരിക്കാൻ സഹായിക്കുന്നു.
ചർമ്മത്തിനും നല്ലത്
രാവിലെ വെറും വയറ്റിൽ വെള്ളം കുടിക്കുന്നത് മൂലം ചർമ്മത്തിനും മുടിയ്ക്കുമൊക്കെ വളരെ നല്ലതാണ്. ചർമ്മത്തിൻ്റെ മൊത്തത്തിലുള്ള ടെക്സ്ചർ, തിളക്കം എന്നിവ നിലനിർത്താൻ ഇത് വളരെ നല്ലതാണ് എന്ന് പഠനങ്ങൾ പറയുന്നു. ഇത് മാത്രമല്ല ദഹനം പ്രക്രിയ നേരെയാക്കാനും നല്ല മാർഗമാണ് ഇത് . മലബന്ധം പോലെയുള്ള പ്രശ്നങ്ങൾ മാറ്റാൻ വെള്ളം കുടിക്കുന്നത് ഏറെ സഹായിക്കും.
വിഷാംശം പുറന്തള്ളാൻ
വെള്ളം കുടിക്കുന്നത് മൂലം ശരീരത്തിലെ വിഷാംശം പുറംതള്ളാൻ വളരെ അധികം സഹായിക്കുന്നു. ഇതുമൂലം ശരീരത്തിലെ ആവശ്യമില്ലാത്ത ടോക്സിനുകളെ പുറന്തള്ളുന്നു. ഇതുകൂടാതെ കിഡ്നിയുടെ ആരോഗ്യം മെച്ചപ്പെടുത്താനും മൊത്തത്തിലുള്ള ആരോഗ്യത്തിനും ഇത് വളരെ നല്ലതാണ്.
ഭാരം കുറയ്ക്കാൻ
വെള്ളം കുടിക്കുന്നത്കൊണ്ട് അമിതഭാരം കുറയ്ക്കാൻ വളരെ അതികം സഹായിക്കുന്നു. വെറും വയറ്റിൽ വെള്ളം കുടിച്ച ശേഷം ബ്രേക്ക് ഫാസ്റ്റ് കഴിക്കുന്നത് മെറ്റബോളിസം നേരെയാക്കാൻ സഹായിക്കും. മെറ്റബോളിസം എളുപ്പത്തിലാക്കുന്നത് ശരീരത്തിലെ അധിക കലോറികളെ എരിച്ച് കളയാൻ ഇത് നല്ലതാണ്. കൂടാതെ ഒരു രാത്രി മുഴുവൻ ഉറങ്ങി എഴുന്നേറ്റ ശേഷം വെള്ളം കുടിക്കുന്നതിലൂടെ നിർജ്ജലീകരണം ഒഴിവാക്കാൻ നല്ലതാണ്. രാത്രി മുഴുവൻ വെള്ളം കുടിക്കാതിരിക്കുമ്പോൾ ശരീരത്തിൽ ജലാംശം എല്ലാ നഷ്ടമാകും. ഇത് ഒഴിവാക്കി രാവിലെ വെള്ളം കുടിക്കുന്നത് ശരീരത്തിന് ആവശ്യത്തിന് ജലാംശം നൽകുന്നു.
