‘അമിതമായ സ്നേഹം ഭയാനകമാകും’; റാം ഗോപാൽ വർമ്മയുടെ, ആരാധ്യ നായികയാവുന്ന ‘സാരി’ ടീസർ പുറത്തിറങ്ങി.
രാം ഗോപാൽ വർമ്മ അവതരിപ്പിക്കുന്ന ‘സാരി’യുടെ ടീസർ പുറത്തിറക്കി. മലയാളിയായ ആരാധ്യ ദേവിയാണ് ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നത്.
ഏതാനും മാസങ്ങൾക്ക് മുൻപ് മലയാളിയും മോഡലുമായ ശ്രീലക്ഷ്മി സതീഷിന്റെ(ആരാധ്യ ദേവി) ഫോട്ടോ ബോളിവുഡ് സംവിധായകൻ രാം ഗോപാൽ വർമ പങ്കുവച്ചത് ഏറെ ശ്രദ്ധനേടിയിരുന്നു. ട്രോളുകളും പരിഹാസങ്ങളും ഇരുവർക്കുമെതിരെ ഉയരുകയും ചെയ്തിരുന്നു. ശ്രീലക്ഷ്മിയെ വച്ച് താനൊരു സിനിമ ചെയ്യുമെന്ന് അറിയിച്ചിരുന്നു.
രവി വർമ്മ നിർമ്മിച്ച് ഗിരി കൃഷ്ണ കമൽ സംവിധാനം ചെയ്യുന്ന ചിത്രത്തിൽ സാരി ചുറ്റിയ ഒരു യുവതിയോട് ഒരു യുവാവിന് തോന്നുന്ന അടങ്ങാത്ത ആവേശത്തെ കുറിച്ചാണ് പറയുന്നത്.
അമിത സ്നേഹം ഭയാനകത്തിന് കാരണമാകുമെന്നാണ് ചിത്രത്തിന്റെ ടാഗ് ലൈനിൽ പറഞ്ഞിരിക്കുന്നത്. സത്യാ യാദുവാണ് ചിത്രത്തിൽ നായകനായെത്തുന്നത്. ചിത്രം നവംബർ നാലിന് തിയേറ്ററുകളിൽ എത്തും. ഹിന്ദി, തെലുങ്ക്,തമിഴ്, മലയാലം എന്നീ ഭാഷകളിൽ ചിത്രം റിലീസ് ചെയ്യും.
