ചൂടാതെ പോയ് നീ.
ചൂടാതെ പോയ് നീ
ചൂടാതെ പോയ് നീ
നിനക്കായി ഞാൻ
ചോരചാറി ചുവപ്പിച്ചൊരെൻ
പനീർ പൂവുകൾ
പനീർ പൂവുകൾ
കാണാതെ പോയ് നീ
കാണാതെ പോയ് നീ
നിനക്കായ് ഞാനെന്റെ
പ്രാണന്റെ പിന്നിൽ
കുറിച്ചിട്ട വാക്കുകൾ
വാക്കുകൾ
ഒന്നു തൊടാതെ പോയി
വിരൽതുമ്പിനാൽ
ഇന്നും നിനക്കായ്
തുടിക്കുമെൻ തന്ത്രികൾ
തന്ത്രികൾ
അന്ധമാം സംവത്സര-
ങ്ങൾക്കുമക്കരെ
അന്തമെഴാത്തതാം
ഓർമ്മകൾക്കക്കരെ
കുങ്കുമം തൊട്ടുവരുന്ന
ശരത്കാല സന്ധ്യയാണിന്നും
എനിക്കു നീ ഓമനേ
ഓമനേ
ചൂടാതെ പോയ് നീ
നിനക്കായി ഞാൻ
ചോരചാറി ചുവപ്പിച്ചൊരെൻ
പനീർ പൂവുകൾ
പനീർ പൂവുകൾ
ദുഃഖമാണെങ്കിലും
നിന്നെക്കുറിച്ചുള്ള
ദുഃഖം എന്താനന്ത-
മാണെനിക്കോമനേ
എന്നെന്നുമെൻ പാനപാത്രം
എന്നെന്നുമെൻ പാനപാത്രം
നിറയ്ക്കട്ടെ
നിൻ അസാന്നിദ്ധ്യം
പകരുന്ന വേദന
വേദന
ചൂടാതെ പോയ് നീ
നിനക്കായി ഞാൻ
ചോരചാറി ചുവപ്പിച്ചൊരെൻ
പനീർ പൂവുകൾ
പൂവുകൾ
കാണാതെ പോയ് നീ
നിനക്കായ് ഞാനെന്റെ
പ്രാണന്റെ പിന്നിൽ
കുറിച്ചിട്ട വാക്കുകൾ
വാക്കുകൾ
